يـا علـي

ياعلي للشعر عبدي ولا هو سيدي
صاحبي له من جنوني ولي من منطقه
مايخون الطيش والملح ياكود الردي
له علي ان ماسبقني على الطيب اسبقه
والله اني من عرفته وانا ابشر بسعدي
كل حزنٍ يفتح ابواب حسنٍ مغلقه
والله اني ماذخرت لمعانيه جهدي
ذمني ولا مدحني من يقول سرقه
اعشق من الشعر كله عيوني ورمدي
واعشق من الكل بعضي اذا الصمت انطقه
واعشق من الليل الاظلم وأشوف السرمدي
قدر قرمٍ بيض الله وجهه بصنقه
واشق من الصبح الأكسل نسيم وفي يدي
دفترٍ يهدي العصافير لحظه مورقه
وأعشق من الصحبه أم البساط الأحمدي
لاتهيّت وأعشق من العسل طلبة ذقه
وأعشق من الوقت وقتي لاابوي ولا اولدي
وأعشق من الناس كلٍ على قد اعرقه
ياعلي والشعر عبدي وعبدي سيدي
أعمق الشعر أبسط الشعر وأبسط أعمقه
في الحنايا خيل ترمح وخيال يحدي
وفي المرايا ألف بحر يتلعثم بأزرقه
ياكثر ما اذكر من الناس لاصرت وحدي
من نسوني ونسوني بكذبٍ مصدقه
كل وعدي مع اللي يخونون وعدي
يالبناخي بعض طيب أقهره باللي خلقه
لو تهيا للطريا سويا ماغدي
مزبن الذهيب ممراح خاينت الثقه
يقنب النسيان الأمعط بروحي ويعدي
كل ليله في فياضي والا الله يرزقه
السهر ، ماهو بهذا السهر لايابعدي
السهر شفني تعرفه وشفني تزهقه
كل جفنٍ من جفوني غدى بيت أجودي
لاتقظب فيه عبدٍ من الليل أعتقه
ليت لي قدره على الثار تكفا ياسندي
من حبيبٍ طشر القلب مليون ورقه
مارماني خطرتن لجل يرضيني ودي
نيشن الفرقا هنيّا تمركا بندقه
وانتهى مستسهل سهيل يستجدل جدي
مابقى غير اليباس بعيون مغورقه
كم تكحل عاذلي وانعمى من مرودي
يوم قال العين بالعين مالله وفقه
قلت والله دام قفى وظليت وحدي
لتركه في داخل القلب محدن بشنقه
ياعلي كلي نهايات من وين ابتدي
ياعلي كله بدايات من وين اعشقه
له عيون ولي ضلالي بها ليناهتدي
ولي عيون وله علي البكا لين اغرقه

من طرف miss_lon الأربعاء 20 يونيو - 0:42

يسسسسسسسلممممموا

ما قصرت

مشكوووووووووور حبيب قلبي

يـا علـي

يـا علـي

رد: يـا علـي

رد: يـا علـي