عجوز تتحدى إبليس ....... عليه غضب الله

‏
وفجأة طلع لها ابليس ... ( لقافه .. . ان يتحرش ) العجوز خافت وسمت بالرحمن .. قالها ابليس: إنتي يا مخرفة تظنين نفسك داهيه ؟؟
‏
العجوز: نعم أنا داهيه ... والنساء كلهن كيدهم عظيم خاصة العجايز
‏
ابليس: أنا أتحداك ... وبنشوف مين كيده أعظم ... العجوز وإلا ابليس
‏
العجوز: خلاص أنا بسوي مشكله وأنت راح تحلها واذا ما قدرت أنا راح أحلها
‏
وراح أفوز بالرهان .. (الرهان سن للعجوز)
‏
أبليس : ‏Ok Lets Go‏
ابليس يعرف انجليزي
‏
راحت العجوزعند واحد من( العربجيه) هالبطاليه اللي ما عندهم شغل ويا كثرهم
‏
وقالت أنا بشغلك عندي فترة معينه بس ... اذا تريدفلوس لا تتدخل ولا
‏
تتكلم . (وافق الشاب لأنه طفش من البطاله يريد فلوس ).
‏
راحت العجوز ومعاها الشاب لمحل قماش وقالت له انتظرني عند باب المحل .. دخلت المحل وخذت قماش غالي وراحت تكاسر تاجر القماش
‏
العجوز: رخص يا بن الحلال .. وإلا طقيتك بعين ولوويت رجولك
‏
التاجر: اذا إنتي ما عندك فلوس خذي شيء أرخص (قماش بعشرة و لا استشوار لشعرك الطاير )
‏
العجوز: ما أقدر .. لازم وإلا يصير شيء ما صار
‏
التاجر: ليش ؟؟ ...لهالدرجه ... ايش السالفه ؟؟
‏
العجوز:شفت الشاب اللي واقف عند باب المحل ..هذا ولدي ..يحب له وحده متزوجه وهي تحبه ولما تتطلق من زوجها .. ولدي بيتزوجها
‏
وهو قالي إن عارضتي الزواج بأطردك من البيت وأمرني أني أشتري قماش
‏
غالي عشان يعطيه حبيبته ولا راح يطردني من البيت مع أن البيت بالأساس
‏
بيتي ولكني غلطت وكتبته بأسمه (العجوز تبكي) كذب..
‏
التاجر: خلاص هونيها وتهون والله كسرتي خاطري .. خلاص أنا بأعطيك القماش ببلاش .. وعسى الله يأجرني
‏
العجوز طلعت مستانسه (فاتحه فمها إللي ما فيه أسنان) وقالت حق الشاب روح البيت
‏
و بعدها راحت العجوز لبيت زوجة تاجر القماش ودقت الباب وطلعت الزوجة
‏
العجوز: آه يابنيتي أنا تعبت بالطريق و ما أقدر أكمل ممكن أقعد عندك أرتاح
‏
خمس دقايق .
‏
رحبت الزوجة ودخلتها وأكرمتها وجابتلها شاي
‏
العجوز:مشكوووووورة ما تقصرين إن شاءالله أردها لك (تعمدت تنسى القماش ) وطلعت . ( هب عليها)
‏
الزوجة: ياحراااااام نست قطعة القماش .. أكيد بترجع بعد شوي وتاخذها
‏
بروح أحطها بالدولاب.. (ولو درت عن المصيبه اللي بتسويها كان خنقتها بالقماش )
‏
تاجر القماش رد لبيته وتغدى ذاك الغدا السنع ونام شوي .قام العصر وفتح الدولاب بغير ملابسه عشان يروح محله .. مفاجأة ( يا إلهي ماهذا فاااار)
‏
‏(عفوا) قطعة القماش ؟؟؟؟؟؟؟!!
‏
وعرف أن المرأة اللي يبيها ولد العجوز هي زوجته يعني تخونه
‏
قام عليها وضربها وطردها بالشارع بالهدوم اللي عليها.
‏
الزوج : طلعي برا طلعي... دانتي نهارك منيل
‏
الزوجة : مأدرش مأدرش ولادي حبايبي
‏
العجوز كانت تنتظر هاللحظه في أخر الشارع فراحت لها تركض ( تخيلوا المنظر )
‏
العجوز: وش فيك يا بنيتي ليش تبكين؟؟؟
‏
الزوجه : زوجي طردني .. وما عطاني فرصه أتكلم .
‏
العجوز: خلاص أنا بأوديك بيتي وأنا بروح أحل المشكله
‏
راحت العجوز لبيتها ودخلت الزوجه في غرفة و الشاب كان في غرفه ثانيه( ينتظر الفلوس الرجال..ما شاء الله ) وأمرته أنه ما يطلع منها .
‏
راحت العجوز للشرطه تبكي وتقول :كنت قاعدة في بيتي وفجأة (طلع زوجي من القبر يبغى قهوه)
‏
أقصد.... دخل رجل ومعاه مرأه وقعدوا ببيتي حاولت أطلعهم ما قدرت ( احتلوا بيتي )
‏
راحت الشرطه ومسكوا الشاب والزوجه .. وحطوهم بالسجن.
‏
العجوز: ها ها وش رايك يا ابليس ؟؟ دورك الحين حل المشكله ابن أمك حلها
‏
ابليس : يا بنت اللذين .. يرحم أمك طلعيهم
‏
العجوز: أنا راح أحلها وكأن شيء لم يكن . وراح أربح الرهان ( السن الذهبي )
‏
راحت العجوز تزور الزوجه بالسجن وقالت لها :إنتي ساعدتيني مرة
‏
وأنا الحين بأساعدك ... يللا البسي عباتي وغطي نفسك وأطلعي من السجن كأنك أنا وأنا بأقعد مكانك.
‏
الزوجة: مشكووورة .. لكن أنتي ؟؟؟
‏
العجوز: مالك شغل مثل ما طلعتك بطلع نفسي.
‏
تمت عملية الهروب بنجاح ..
‏
الوالي أمر الحراس يحضرون المسجونين عشان يحكم عليهم
‏
حضرت العجوز والشاب وقال لهم الوالي :ليش قابضين عليكم وشو مسوين؟؟
‏
ردت العجوز:احنا ما سوينا شيء كنا قاعدين ببيتنا أنا وولدي وإلا الشرطه
‏
طابه علينا وماخذينا السجن ...
‏
عصب الوالي وهزأ الشرطه ( يخرب بيوتكم ) وما عطاهم فرصه يتكلمون ويقول:غلطانين وتريدون تتكلمون.شين و قوات عين
‏
طلعت العجوز من الوالي مستانسه وعطت الشاب فلوس وأنهت خدمته عندها.
‏
راحت العجوز لتاجر القماش وقالت له أنها تعبت بالطريق وإن زوجته أصيله وأكرمتها وهي من كثر التعب نست القماش عندها وأن زوجته بريئه
‏
وقالت خذ قماشك لأن ولدي سافر هو و زوجته الجديدة.
‏
رجع التاجر زوجته وتأسف منها و راضاها بعد.
‏
العجوز : وش رايك يا ابليس أنا فككت السالفه سهله .. تضحك ( هذي المره فاتحة فمها بس بالسن الذهبي )
‏
ابليس :إنتي ربحتي لا ما صدق ااااااااااااااه.... يبكي
‏
وعاد ابليس يجر أذيال الهزيمه
‏
وما زالت العجوز تضحك وتقهقه حتى سقط السن الذهبي داخل كرشها
‏
عجوز عاد

مشكورررررررررررررر

ياقوها

مشكوووور الله يعطيك العافيه